Calculadora do Camiño de Santiago
Escolle por onde comezas, a que ritmo camiñas e que día saes. A calculadora reparte o percorrido en xornadas reais, coa vila onde dormes cada noite.
O teu plan
Prefires que cho reservemos todo con estas datas?
Organiza o meu CamiñoComo se calculan as etapas
Partimos dos quilómetros de cada etapa e das vilas con albergue que hai polo medio. Co teu ritmo diario buscamos, día a día, o final máis próximo a esa distancia, preferindo as vilas de fin de etapa, que teñen máis camas e servizos. Se entre dúas vilas non hai onde durmir, a xornada alóngase e avisámoste. O último día remata sempre na meta do camiño.
Que ritmo escoller
Quen camiña por primeira vez fai cómodo entre 15 e 20 km ao día; con algo de adestramento, entre 20 e 25; e quen está afeito a andar, entre 25 e 30. Por riba de 30 km diarios aumentan as burbullas e as tendinites, sobre todo a partir do terceiro día. Se dubidas, escolle o ritmo tranquilo: sempre é máis doado adiantar unha etapa ca recuperarse dunha lesión.
O desnivel tamén conta
Sumamos os metros de subida de cada xornada. Como referencia, 500 metros de subida equivalen a camiñar unha hora máis. Días como a subida ao Cebreiro ou os Pireneos piden un ritmo máis baixo aínda que teñas boas pernas. Para a Compostela abondan os últimos 100 km, así que saír de Sarria, Tui ou Ferrol xa conta.
Preguntas frecuentes
Cantos km se camiñan ao día no Camiño de Santiago?
A media está entre 20 e 25 km. As etapas clásicas andan polos 22 km, pero podes acurtalas ou alongalas segundo a túa forma.
Cantos días se tarda desde Ferrol?
Son uns 112 km: cinco días a ritmo medio ou seis a ritmo tranquilo. Pon Ferrol na calculadora para velo coa túa data.
Podo compartir o meu plan?
Si. O botón de copiar ligazón garda camiño, saída, ritmo e data no enderezo, para que quen o abra vexa o mesmo plan.
Debo reservar todas as noites?
En tempada alta e nos últimos 100 km convén reservar. Podes facelo ti desde a páxina de cada vila ou pedirnos que o organicemos.
