Rutas xacobeas: todos os Camiños de Santiago
Actualizado:
Resposta rápida
- A Ruta Xacobea é a rede de camiños que levan á tumba do apóstolo Santiago, en Santiago de Compostela.
- Os máis andados son o Francés, o Portugués (interior e da Costa) e o Inglés: xuntos suman máis de oito de cada dez peregrinos.
- Para un primeiro Camiño: o Francés desde Sarria ou o Portugués desde Tui, en cinco ou seis días.
Comparativa de rutas
| Camiño | Inicio | Km | Etapas | Días | Dificultade | Peregrinos | Mellores meses | Últimos 100 km |
|---|---|---|---|---|---|---|---|---|
| Camiño Francés | Saint-Jean-Pied-de-Port | 765 | 33 | 33–35 | Media | 45 % | maio, xuño, set., out. | desde Sarria · durmir |
| Camiño Portugués | Porto | 244 | 11 | 11–13 | Fácil | 19 % | abr., maio, xuño, set., out. | desde Tui · durmir |
| Camiño Portugués da Costa | Porto | 272 | 12 | 12–14 | Media | 16 % | maio, xuño, set., out. | — |
| Camiño Inglés | Ferrol | 112 | 6 | 6–8 | Media | 5,6 % | maio, xuño, xul., ago., set. | desde Ferrol · durmir |
| Camiño do Norte | Irún | 827 | 35 | 35–37 | Esixente | — | xuño, xul., ago., set. | — |
| Camiño Primitivo | Oviedo | 313 | 14 | 14–16 | Esixente | — | maio, xuño, xul., ago., set. | — |
| Camiño a Fisterra e Muxía | Santiago de Compostela | 119 | 5 | 5–7 | Media | — | abr., maio, xuño, set., out. | — |
| Camiño de Barbanza «A Orixe» | Corrubedo | 139 | 6 | 6–8 | Media | — | maio, xuño, set., out. | — |
Peregrinos: porcentaxe de Compostelas por camiño segundo a Oficina do Peregrino de Santiago (2025: 530.987 Compostelas; Inglés, 2024). «—» = sen dato verificado.
Cada camiño, en breve
Camiño Francés
Sae de Saint-Jean-Pied-de-Port, cruza os Pireneos, a Meseta e O Cebreiro, e entra en Galicia por Lugo. É o que máis servizos ten en cada vila e o máis concorrido entre Sarria e Santiago.
Camiño Portugués
Desde Porto polo interior, con etapas chas e ben sinaladas. Entra en Galicia por Tui e pasa por Pontevedra e Caldas de Reis.
Camiño Portugués da Costa
Segue o litoral desde Porto por Viana do Castelo e A Guarda, e únese ao Portugués interior en Redondela. Máis vento e mar, algo máis de subidas.
Camiño Inglés
Parte de Ferrol (ou da Coruña) e percorre as rías e o interior da Coruña. Curto, tranquilo e cun día longo entre Betanzos e Hospital de Bruma.
Camiño do Norte
Bordea o Cantábrico desde Irún por Donostia, Bilbo, Santander e Asturias ata entrar en Galicia por Ribadeo. Longo, con costa e costas constantes.
Camiño Primitivo
O camiño orixinal, desde Oviedo pola montaña asturiana e Lugo. Poucas etapas chas e treitos illados; únese ao Francés en Melide.
Camiño a Fisterra e Muxía
Empeza en Santiago e remata en Fisterra e Muxía, fronte ao Atlántico. Non dá a Compostela, senón a Fisterrana e a Muxiana.
Camiño de Barbanza «A Orixe»
Sae do faro de Corrubedo e bordea a ría de Arousa por Ribeira, A Pobra, Boiro e Rianxo, a ruta da barca do Apóstolo segundo a tradición. En Padrón únese ao Portugués.
Como escoller a túa ruta
Por días
Unha semana: últimos 100 km do Francés, Portugués ou Inglés. Dúas semanas: Portugués desde Porto ou Primitivo. Un mes ou máis: Francés completo ou Norte.
Por forma física
O Portugués interior é o máis cho. O Primitivo e o Norte piden pernas: subidas longas case a diario.
Por paisaxe
Costa: Portugués da Costa e Norte. Montaña: Primitivo. Variedade de paisaxes e patrimonio: Francés.
Por xente
Se buscas ambiente, Francés desde Sarria. Se prefires calma, Inglés, Primitivo ou Norte, sobre todo fóra do verán.
Requisitos da Compostela
- Percorrer polo menos os últimos 100 km a pé ou a cabalo, ou 200 km en bicicleta, ata Santiago.
- Selar a credencial polo menos dúas veces ao día nese último treito.
- Recollela na Oficina do Peregrino de Santiago.
FAQ
Que é a Ruta Xacobea?
É o conxunto de camiños históricos que levan a Santiago de Compostela. Non é un só itinerario: cada camiño sae dun lugar distinto e todos rematan na catedral.
Cantas rutas xacobeas hai?
Hai decenas de camiños recoñecidos. En Xacobea cubrimos sete: Francés, Portugués, Portugués da Costa, Inglés, do Norte, Primitivo e Fisterra–Muxía.
Cal é a ruta xacobea máis doada?
O Portugués interior desde Tui: etapas chas, ben sinaladas e con servizos en cada vila.
Cal é a máis percorrida?
O Camiño Francés, con preto do 45 % das Compostelas en 2025, segundo a Oficina do Peregrino.
Que camiño facer a primeira vez?
O Francés desde Sarria ou o Portugués desde Tui. Son uns 115–120 km en cinco ou seis días e dan a Compostela.
Cantos km hai que facer para a Compostela?
Os últimos 100 km a pé ou a cabalo, ou 200 km en bicicleta, con dous selos ao día nese treito.
Cal é a mellor época?
Maio, xuño, setembro e outubro: bo tempo e menos xente ca en xullo e agosto. O Norte e o Primitivo, mellor de xuño a setembro.
